اخيرا ,بعد مد و جزر و بعد اسبوع من التحضيرات النفسية قررت باذنه تعالى ان احل الواجب الذي اقره لي مجموعة من الاصدقاء الاعزاء و الف شكر للجميع و الف شكرا للاهتمام
:)
يالله و باسم الله
على فكرة هو الموضوع حلو و الاحلى الناس اللي فكرت فيي :)
خلص يللا رح بلش
هل انت راضى عن المدونة شكلا وموضوعأ؟
والله شكلا ابدا ,اللون اكيد ,الاسود لوني المفضل و المضمون والله باتركه لالكم تحكموا بس بالنسبة لالي اكيد بحب مضمونها هو انا و كل شي بحسه و بفكر فيه يعني ما رح يطلع معي احسن لو نويت :)
هل تعلم أسرتك الصغيرة بأمر مدونتك؟
والله يمكن اختي الصغرى( سنه 20) نعم بس غيرها ما بعتقد اهتمامتنا كثير بعيدة عن بعضها و اصلا ما عندن وقت يقروا
هل تجد حرجا فى أن تخبر صديقاً عن مدونتك؟ هل تعتبرها أمراخاصا بك؟
واالله لا ابدا انا ما بخجل من حالي و مدونتي بتشبهني كثير و معظم رفقاتي القلائل صاروا يعرفوا بامرها و هي لو كانت امر خاص ما عندي مشكلة يشاركني فيه ناس بتحبني و تحترمني
هل تسببت المدونات بتغير ايجابى لافكارك؟ اعطنى مثال فى حالة الاجابة بنعم؟
والله ايجابيا ما بعرف انا اساسا شخص كثير ايجابي بحياتي بدور عن الاحسن على طول بس يمكن غيرتلي بافكاري من ناحية الصداقة و المعزة مع الجنس الانثوي لانني كنت محرومة منها و هون التقيت مجموعة من الصبايا بيعقدوا و لو كان بايدي ما كنت اخترت غيرهن اصدقاء في الحياة اليومية
هل تكتفى بفتح صفحات من يعقبون بردود فى مدونتك ام تسعى لاكتشاف المزيد؟
لا و الله دايما بفتح صفحات جديدة لاشجع اصحابها و يصيروا يختلطوا بمجتمع المدونين اكثر لو ما كانوا زاروني او علقوا بمدونتي
ماذايعنى لك عداد الزوار.. هل تهتم بوضعه فى مدونتك؟
والله حطيتوا من باب الغيرة بس بيهمني اكثر عدد الناس اللي في تواصل بيننا و معزة اكثر من هيك لا :)
هل حاولت تخيل شكل اصدقائك المدونين؟
اوففف كثير
:)
هل ترى فائدة حقيقة للتدوين؟
اكيد لو ما فيها فايدة ما استمرت و كبرت مجتمعات المدونين بعدين اناالتدوين فتحلي ابواب كثيرة تعرفت فيها على ناس الحياة اليومية ما كانت رح تسمحلي انني اعرفهم
هل تشعر ان مجتمع التدوين مجتمع منفصل عن العالم المحيط بك ام متفاعل مع إحداثه؟
لا اكيد انه متفاعل بشكل كبير و ابسط و اقرب دليل الحرب على لبنان تنولتها معظم صفحات الاصدقاء المدونين و غطوها من كل النواحي السلبية و الايجابية و هيدا باكد على تفاعل المدونين مع الاحداث وين ما كان
بس صدقا بضل شوف مساحة بعيدة عن همومي بالحياة,مساحة بدور فيها عن كل شي حلو فيي و اظهروا للكل :)
هل يزعجك وجود نقد بمدونتك؟ ام تشعر انه ظاهرة صحية؟
لا والله عادي بس اهم شي ما يصير النقد تطاول و قلة احترام بس لما يكون نقد بناء وين المشكلة؟ اهلا و سهلا كل شخص يملك الحق انه يناقش و يفهم و يعطي رايه بس اهم شي قلة الذوق مع الغير مش مستحبة ابدا :)
هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
للحقيقة انا آخر انسان ممكن يكتب بالسياسة لانو ما بفهم فيها و لا عندي النية حتى و فاقد الشيء لا يعطيه بس و الله فاجئتني قضية الاعتقال ذكرتوني بديمقراطية اميركا :)
هل فكرت فى مصير مدونتك فى حال وفاتك؟
لا !!اصلا مين قال رح موت على قلبكن هون قاعدة :)
مين اكتر مدونين أثروا فيك؟ وليه؟
مش موضوع اثروا فيني الموضوع انه غصب عني لقيت حالي مدمنة لقراءة جديدهم و بحبهم هيك بدون سبب ومنهم ناس اصغر مني كثير بالعمر و بيلفتوا نظري كثير بوعيهم و ثقافتهم العالية الله يسلمهم و على سبيل التعداد و مش الحصر ابدا حلا ,توتييتتي الحلوة ,اخي حسن نعيم, مبعثرتي الصغيرة ,اختي الغالية الزهراء, اخي حامل المسك,صاحب المملكة الساحرة ,ارتميس و حبيبتي the caller و الله يخليكم سامحوني اذا نسيت حدا
يييييييييييييييييي قويدر على راسي والله و ايف اكيد مممممممممم و فادي و هلق عنجد سامحوني اذا نسيت حدا
مين من المدونين بتحس انه شبهك؟
عنجد ما بعرف ما فكرت
آخر سؤال: تحب تسمع ايه؟
You`re Beautiful, james blunt ممممممممم
اكتب اسماء خمسة مدونين ليقوموا بهذا الاستقصاء بعدك
ممممممممممممم اكيد حلا بس ترجع بالسلامة
حبيبتي المبعثرة
اخي حامل المسك
حسون نعيم
وووووووو في كثير اسماء براسي ما بعرف اللي على باله يعملوا :)
آخر شي بدي قول انو شكرا كثير لاختياري و بحبكن كثير و انه كثير حبيت الاسئلة و عفوا اذا نسيت حدا كان لازم اذكره :)
لحظة بعد بدي قول شكرا لرفيقتي و جارتي صاحبة مدونى تاملات تافهة لانها من عرفني على جيران :)
Add a Comment
said:
و أخييييرا القمر حل الواجب ..
كنت مستنيه بفارغ الصبر
حابه شوف كلماتك الحلوه بطريقة مختلفة ..
اجابات روعه متل ما توقعت ..
لك تحـــياتي ساره ..
Hi Sarah , very emotional , I really like it :)
You know what, blogging is a nice phenomena , I used to worry about the traffic but things went fine in short while as I made many friends here.
Thank you for having me as a favorite blogger around your blogo-mindset.
I just wanna add one single thing: As me & Loco (the male part of Los Locos ) always say : People should learn how to differentiate between our virtual characters on blogs and our real ones. For example (I hope I don't sound like promoting for the wars between me and cute Loca) the Cold War between me and hers is only virtual. She is a very good friend of mine in reality, so is her assistant Loco who apparently gets the kicks all the times for the sake of learning some wicked tricks from her. In Reality, we are very good friends, but on blogs , hah , you can imagine how I play with them with the help of my smart friends who quickly knew where to have their bet, with me of course.
Take care and it's really nice getting to know you more and more: )
Thank you for jaber khater Loca , battalat boka. And I always learn lessons dear , you teach us a lot here :)
مودنتك كثير رائعة..وتبعث على الراحة النفسية...
انا صحيح احيانا مابكتب تعليقات, ربما لانني فاقد للجانب الرومانسي الغالب على هذه المدونة..ولكن زائر دائم..رغم انشغالي بالدراسة :)
نحو الافضل انشالله
Sarah,you are so sweet,i can read that in your answers.
you made me so curious to know the caller every one is talking about.
blogging is great:)
from Morocco
said:العزيزة سارة
جميل جدا ان نمتلك حلم اللقاء بأفكارنا على أمواج هذا البحر الذي يسمونه المدونة
شكرا لكلماتك الرائعة
تحياتي
قاسم
العزيزة سارة
جميل جدا ان نمتلك حلم اللقاء بأفكارنا على أمواج هذا البحر الذي يسمونه المدونة
شكرا لكلماتك الرائعة
تحياتي
قاسم
said:
from Lebanon
شكرا يا ابراهيم :) وشكرا ثانية لمشاعرك تجاه لبنان الله يسلمك يا رب